കടലും കരയും ചുംബനത്തിൽ

കടലും കരയും ചുംബനത്തിൽ
കാറ്റും ലതയും ചുംബനത്തിൽ
വാനവും ഭൂമിയും ആലിംഗനം ചെയ്യും
വാസന്ത മണ്ഡപം ചക്രവാളം
സന്ധ്യാചക്രവാളം ( കടലും..)

ശാരദസുന്ദരസന്ധ്യാവാനം
തരംഗ ചഞ്ചല സാഗരഗാനം
മറ്റൊരു സന്ധ്യയായോമന നിന്നൂ
മറ്റൊരു സാഗരമായ് നീയുയർന്നൂ (കടലും..)

മാദക സായാഹ്ന സിന്ദൂരപ്പൊടികൾ
വാരിച്ചൂടി നിൻ പ്രമദകപോലം
ആടിത്തുള്ളിയും തളരാത്ത തിര പോൽ
ആടുകയാണെൻ ചപലവികാരം (കടലും..)