പവിഴമല്ലിപ്പൂവിനിപ്പോൾ

പവിഴമല്ലിപ്പൂവിനിപ്പോൾ പിണക്കം നിന്റെ

പവിഴക്കമ്മലിനതിനേക്കാൾ തിളക്കം (2)

സ്വർണ്ണമല്ലിക്കണ്ണുകൾക്കും പിണക്കം നിന്റെ

രത്നമാല കല്ലു കണ്ട നടുക്കം (പവിഴ..)

സന്ധ്യയിന്നു സദസ്സിലെത്താൻ വൈകും ആ

ചെന്നിറം നിൻ കവിളിൽ നാണമാകും (2)

അംബരത്തിൻ നീലിമയും കുറയും  (2)

ആ ഇന്ദ്രനീലം നിന്റെ കണ്ണിലലിയും (പവിഴ,..)

പച്ചിലകൾ താളമിടാൻ മറക്കും നിൻ

പരിഭവത്തിന്നീണം കേട്ടു തളരും

ചെമ്പകപ്പൂവിട്ടു തുമ്പി പറക്കും നിൻ

ചുംബനത്തിലാ മധുരം തുളുമ്പും (പവിഴ...)