വെയിലിന്റെ ഒരു തൂവൽ

വെയിലിന്റെ ഒരു തൂവൽ മാത്രം
മറന്നിട്ട്
വേനൽക്കിനാക്കിളി കൂടൊഴിഞ്ഞു
ഒരു തുള്ളി നീല നിലാവെളിച്ചം
തേടി
വാനിന്റെ ഇരുളിൽ തളർന്നലഞ്ഞു

(വെയിലിന്റെ)

സന്ധ്യയും
നക്ഷത്രരാത്രിയുമാച്ചെറു-
സങ്കടപ്പക്ഷിയെ കൈയൊഴിഞ്ഞു
കാറ്റിന്റെ വാതിലിൽ
മുട്ടിവിളിച്ചപ്പോൾ
കാണാത്ത ഭാവത്തിൽ മുഖം തിരിച്ചു

(വെയിലിന്റെ)

ആഞ്ഞിലിക്കൊമ്പത്തെ കുഞ്ഞരിപ്രാവുകൾ
പിഞ്ചിളം
കൊഞ്ചലാൽ പരിഹസിച്ചു
നോവും കിനാവുമായ് മെല്ലെയാ
രാപ്പാടി
മഞ്ഞുനീർത്തുള്ളിപോൽ മാഞ്ഞുപോയി

(വെയിലിന്റെ)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Veyilinte Oru Thooval

Additional Info

അനുബന്ധവർത്തമാനം