Manichithrathaazhu

<p>വരുന്ന ആദ്യ ദിവസം തന്നെ ശ്രീദേവിയല്ല പ്രശ്നമുണ്ടാക്കുന്നതെന്ന് സണ്ണി തിരിച്ചറിയുന്നു. മറ്റു പലരേയും സംശയിക്കുന്ന സണ്ണി ഒടുക്കം രാത്രി തെക്കിനിയിൽ നൃത്തം ചെയ്യുന്ന ഗംഗയെ കണ്ടെത്തുന്നു. ഗംഗക്ക് അസുഖം ബാധിക്കാനുണ്ടായ യഥാർത്ഥ കാരണം കണ്ടെത്താൻ വേണ്ടി ഗംഗ ബാല്യ കാലം ചിലവഴിച്ച നാട്ടിലും സ്കൂളിലുമെല്ലാം ചന്തുവിനോടൊപ്പം പോകുന്നു. അമ്മൂമ്മക്കഥകൾ കേട്ടു വളർന്ന ഗംഗ പത്താം ക്ലാസ്സ് പരീക്ഷ കഴിഞ്ഞ് വിളിക്കാൻ വരുന്ന അച്ഛനമ്മമാരുടെ കൂടെ പോകാൻ ഇഷ്ടപ്പെടാതിരുന്ന കാലത്ത് മാനസികാസ്വാസ്ത്യം കാണിച്ചിട്ടുണ്ടെന്ന് സണ്ണി മനസ്സിലാക്കുന്നു. തനിക്ക് രോഗമുണ്ടെന്ന് ഗംഗ തൽക്കാലം തിരിച്ചറിയരുതെന്ന് കരുതുന്ന സണ്ണി നകുലനെ വിഷം കൊടുത്തു കൊല്ലാൻ ശ്രമിച്ചെന്ന കാരണം പറഞ്ഞു ഗംഗയാണു അതു ചെയ്തതെന്ന് മനസ്സിലാക്കുന്നെങ്കിലും ശ്രീദേവിയെ മുറിയിൽ പൂട്ടിയിടുന്നു. ഗംഗയാണ് രോഗിയെന്ന് സണ്ണിയിൽ നിന്നും മനസ്സിലാക്കുന്ന ശ്രീദേവി സണ്ണിയോട് സഹകരിക്കാൻ തയ്യാറാകുന്നു. നാഗവല്ലിയാകുന്ന ഗംഗയോട് സംസാരിക്കുന്ന സണ്ണിക്ക് ദുർഗാഷ്ടമി നാളിൽ നകുലനെ പഴയ കാരണവരായി കണക്കാക്കുന്ന നാഗവല്ലിക്ക് വധിക്കാനാണ് പദ്ധതിയെന്ന് തിരിച്ചറിയുന്നു. ഇതിൽ നിന്നും നകുലനോ ഗംഗയോ ഒരാൾ കൊല്ലപ്പെടുമെന്ന് സണ്ണി മനസ്സിലാക്കുന്നു. ഇതിനിടെ തമ്പി പ്രശസ്ത മന്ത്രവാദിയായ ബ്രഹ്മദത്തൻ നമ്പൂതിരിപ്പാടിനെ (തിലകൻ) വരുത്തുന്നു. സണ്ണിയേയും സണ്ണിയുടെ കഴിവുകളേയും കുറിച്ച് നേരത്തേയറിയാവുന്ന നമ്പൂതിരിപ്പാടുമായി ഒത്തു ചേർന്ന് സണ്ണി ഗംഗയേയും നകുലനേയും രക്ഷപ്പെടുത്താനുള്ള പദ്ധതി തയ്യാറാക്കുന്നു. അതനുസരിച്ച് അല്ലിക്ക വിവാഹാഭരണമെടുക്കാൻ പോകണമെന്നുള്ള ഗംഗയുടെ ആഗ്രഹത്തെ നകുലൻ തടയുമ്പോൽ ഗംഗയിൽ സംഭവിക്കുന്ന മാറ്റം നകുലനും ഗംഗയും തിരിച്ചറിയുന്നു. പൂർണ്ണമായും നാഗവല്ലിയായി മാറുന്ന ഗംഗയെ മഹാദേവന്റെ സഹായത്തോടെ സണ്ണി നമ്പൂതിരിപ്പാട് തയ്യാറാക്കിയ മന്ത്രക്കളത്തിനടുത്തെത്തിക്കുന്നു. കാരണവരായ നകുലനെ വധിക്കാൻ സഹായിച്ചാൽ ഗംഗയെ വിട്ടുപോയിക്കൊള്ളാമെന്നുള്ള ഉറപ്പു നൽകുന്ന നാഗവല്ലിക്ക് നകുലനെ വധിച്ചതായുള്ള പ്രതീതി സണ്ണിയും നമ്പൂതിരിപ്പാടും ചേർന്ന് സൃഷ്ടിച്ചെടുക്കുന്നു. ഇതിനെ തുടർന്ന് ബോധം നഷ്ടപ്പെടുന്ന ഗംഗയെ സണ്ണി ഹിപ്നോട്ടൈസ് ചെയ്തു ഭേദമാക്കുന്നു. എല്ലാവരുടേയും പ്രശംസക്ക് പാത്രമായ സണ്ണി പോകുന്നതിനു മുമ്പ് ശ്രീദേവിയോട് തന്റെ പ്രണയം വെളിപ്പെടുത്തുന്നു.</p>