വെണ്ണിലാവിൻ ചിറകിലേറി- സുശാന്ത്

വെണ്ണിലാവിൻ ചിറകിലേറി ഞാൻ ഉയരുമ്പോൾ

പ്രണയ മുന്തിരി നീട്ടി എന്നെ വിളിച്ചതാരാണ്

ആരും അറിയാതെ ആരോരുമറിയാതെ

കവിത പോലെന്നിൽ നിറഞ്ഞതാരാണ് ...(വെണ്ണിലാവിൻ )



ഏതോ സ്വപ്നം കാവ്യമായ്..എതോ മൗനം രാഗമായ്

കണ്ടു മറന്ന കിനാവിലെ വർണ്ണ മനോഹര ഭാവമേ

വിണ്ണിൻ കായലിലെ കാണാ തോണിയിലെൻ

സ്വപ്നക്കൂടേറി ഇന്നു വന്നവൾ ആരാണ്  (വെണ്ണിലാവിൻ )



ഇന്നീ രാവും മൂകമായ്,ഞാനീ വീഥിയിൽ ഏകനായ്

ഇന്നെൻ നെഞ്ചിലെ ഓർമ്മകൾ,കണ്ണീർ മഴയായ് പെയ്ത് പോയി

തീരാ നൊമ്പരമായ് നോവിൻ മർമ്മരമായ്

സ്നേഹത്തേരേറി ദൂരെ പോയവൾ ആരാണ് ( വെണ്ണീലാവിൻ )