യരുശലേമിലെ സ്വര്‍ഗ്ഗദൂതാ

യരുശലേമിലെ സ്വര്‍ഗ്ഗദൂതാ യേശുനാഥാ
എന്നുവരും വീണ്ടും എന്നുവരും
എന്റെ മെഴുകുവിളക്കിന്‍ മുൻപില്‍
എന്നുവരും ദൈവപുത്രാ
യരുശലേമിലെ സ്വര്‍ഗ്ഗദൂതാ

ബെതെലെഹേമിലെ പുല്‍ത്തൊഴുത്ത് ഞങ്ങള്‍
മേഞ്ഞുകഴിഞ്ഞു - ഞങ്ങള്‍ മേഞ്ഞുകഴിഞ്ഞു
നിര്‍ദ്ധനരും നിന്ദിതരും പീഢിതരും - ഇതാ
നാഥനെവന്നെതിരേല്‍ക്കാന്‍ ഒരുങ്ങിക്കഴിഞ്ഞൂ
ജൂഡിയയില്ലാ ജൂഡാസില്ലാ
ഗോഗുല്‍ത്തയില്‍ പണിതുയര്‍ത്തിയ മരക്കുരിശില്ലാ
നിന്റെ രാജ്യം - ഇത് നിന്റെ രാജ്യം
യരുശലേമിലെ സ്വര്‍ഗ്ഗദൂതാ

ഇസ്രായേലിലെ വീഥികള്‍ ഞങ്ങള്‍ അലങ്കരിച്ചൂ
ഞങ്ങള്‍ അലങ്കരിച്ചൂ
അടിമകളും മര്‍ദ്ദിതരും ദുഃഖിതരും - ഇതാ
അല്ലിയൊലീവിലകളുമായ് ഇറങ്ങിക്കഴിഞ്ഞു
സീസറില്ലാ പിലാത്തോസില്ലാ
കാൽവരിയുടെ താഴ്വരയില്‍ മുള്‍മുടിയില്ലാ
നിന്റെ രാജ്യം - ഇത് നിന്റെ രാജ്യം
യരുശലേമിലെ സ്വര്‍ഗ്ഗദൂതാ യേശുനാഥാ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
10
Average: 10 (1 vote)
Yarussalemile

Additional Info

അനുബന്ധവർത്തമാനം