കള്ളിപ്പാലകൾ പൂത്തു

കള്ളിപ്പാലകൾ പൂത്തു കാടൊരു
വെള്ളിപ്പൂക്കുട തീർത്തു
ആരിലുമാരിലുമവയുടെ സൗരഭം
ആളിപ്പടരുമൊരുന്മാദം [കള്ളിപ്പാല..]

പൂമണം പരക്കുമ്പോൾ പിറകേ പിറകേ പിറകേ
നക്ഷത്രക്കതിർ കൂന്തലിലണിയും
യക്ഷികൾ രാത്രിയിലെത്തും
അവർ മണ്ണിലെ മനുഷ്യരെ
മന്മഥ കഥയിലെ മന്ത്രം ചൊല്ലി മയക്കും
മയക്കും മയക്കും മന്ത്രം ചൊല്ലി മയക്കും [കള്ളിപ്പാല..]

പൂനിലാവുദിക്കുമ്പോൾ ഇതിലേ ഇതിലേ ഇതിലേ
ഗന്ധർവന്മാർ ഭൂമിയിൽ വന്നൊരു
ചന്ദന മാളിക തീർക്കും
അവർ സുന്ദരിമാരുടെ ഹൃദയസരസ്സുകൾ
സ്വപ്നം കൊണ്ടു നിറയ്ക്കും
നിറയ്ക്കും നിറയ്ക്കും സ്വപ്നം കൊണ്ടു നിറയ്ക്കും [കള്ളിപ്പാല..]