കണ്ണുനീർമുത്തുമായ് (M)

കണ്ണുനീർ മുത്തുമായ് കാണാനെത്തിയ
കതിരുകാണാക്കിളി ഞാൻ
എന്നോടിത്ര പരിഭവം തോന്നുവാൻ
എന്തു പറഞ്ഞൂ ഞാൻ 

കണ്ണുനീർ മുത്തുമായ് കാണാനെത്തിയ
കതിരുകാണാക്കിളി ഞാൻ

സങ്കല്പങ്ങളെ ചന്ദനം ചാർത്തുന്ന
മന്ദസ്മേരവുമായ് (2)
ഈ കിളിവാതിൽക്കലിത്തിരി നേരം
നിൽക്കൂ നിൽക്കൂ നീ... നിൽക്കൂ നിൽക്കൂ നീ 

കണ്ണുനീർ മുത്തുമായ് കാണാനെത്തിയ
കതിരുകാണാക്കിളി ഞാൻ

സ്വപനം വന്നു മനസ്സിൽ കൊളുത്തിയ
കർപ്പൂരക്കിണ്ണവുമായ് (2)
എന്റെ മായാലോകത്തു നിന്നു നീ
എങ്ങും പോകരുതേ.. എങ്ങും പോകരുതേ 
എങ്ങും പോകരുതേ ....