ഇലഞ്ഞിപ്പൂമണമൊഴുകി വരുന്നൂ

ഇലഞ്ഞിപ്പൂമണമൊഴുകി വരുന്നു
ഇന്ദ്രിയങ്ങളിലതു പടരുന്നു
പകൽ കിനാവിൻ പനിനീർമഴയിൽ
പണ്ടു നിൻ മുഖം പകർന്ന ഗന്ധം
(ഇലഞ്ഞി...)

രജതരേഖകൾ നിഴലുകൾ പാകീ
രജനീഗന്ധികൾ പുഞ്ചിരി തൂകി
ഈ നിലാവിൻ നീല ഞൊറികളിൽ
ഓമനേ നിൻ പാവാടയിളകീ
കൊഴിഞ്ഞ ദിനത്തിൻ ഇതളുകൾ പോലെ
അകന്നുവോ നിൻ പൂമ്പട്ടു തിരകൾ
(ഇലഞ്ഞി..)

തരള രശ്മികൾ തന്ത്രികളായി
തഴുകീ കാറ്റല കവിതകളായി
ഈ നിശീഥം പാടും വരികളിൽ
ഓമനേ നിൻ ശാ‍ലീന നാദം
അടർന്ന കിനാവിൻ തളിരുകൾ പോലെ
അകന്നുവോ നിൻ പൊൻ ചിലമ്പൊലികൾ
(ഇലഞ്ഞി..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
7.66667
Average: 7.7 (6 votes)
Ilanjippoomanam ozhuki Varunnoo

Additional Info

Year: 
1976

അനുബന്ധവർത്തമാനം