സ്പിരിറ്റ്

Title in English: 
Spirit - Malayalam Movie 2012

തലക്കെട്ട്
Spirit-Movie Poster1-M3DB
Spirit-Movie Poster2-M3DB
Spirit-Movie Poster3-M3DB
Spirit-Movie Poster4-M3DB
Spirit-Movie Poster5-M3DB
വർഷം: 
2012
റിലീസ് തിയ്യതി: 
Thu, 14/06/2012
See video
See video
കഥാസന്ദർഭം: 

ലഹരിപൂക്കുന്ന താഴ്വരകളിലൂടെ ജീവിതം മറന്ന് യാത്ര ചെയ്തൊരു ജീനിയസ് (രഘുനന്ദനൻ - മോഹൻലാൽ) ലഹരിയുടേ വിപത്തുകളെ തിരിച്ചറിയുകയും കുടുംബ-സാമൂഹ്യ പ്രതിബദ്ധമാർന്നൊരു ജീവിതത്തിലേക്ക് തിരിച്ചു വരികയും ചെയ്യുന്നതാണ് ‘സ്പിരിറ്റി’ന്റെ കഥാ ഭൂമിക.

കഥാസംഗ്രഹം: 

പല വിദേശ രാജ്യങ്ങളിലും ഇന്ത്യയിൽ മെട്രോ നഗരങ്ങളിലും ജോലി ചെയ്തിരുന്ന രഘുനന്ദനൻ (മോഹൻലാൽ) എന്ന ജീനിയസ്സ് കൊച്ചി നഗരത്തിൽ തന്റെ അപ്പാർട്ട്മെന്റിൽ ഏകനായ ജീവിതം നയിക്കുന്നു. തികഞ്ഞ മദ്യപാനിയാണദ്ദേഹം. ‘സ്പിരിറ്റ്” എന്ന പേരിലുള്ള ഒരു ഇംഗ്ലീഷ് നോവലിന്റെ പണിപ്പുരയിലാണ് രഘുനന്ദനൻ. ഒപ്പം നിരവധി ബ്രാൻഡുകളിലുള്ള മദ്യവും. രാവിലെ മുതലേ തുടങ്ങുന്ന മദ്യപാനം രാത്രിയേറെ ചെന്ന് ബോധമില്ലാത്ത അവസ്ഥയിൽ ഉറക്കത്തിലേക്ക് വഴുതി വീഴുന്നതോടെ തീരുന്നു. സ്പിരിറ്റ് എന്ന നോവൽ സത്യത്തിൽ നോവലല്ല, തന്റെ തന്നെ ദിനരാത്രങ്ങളെ, അനുഭവങ്ങളെ നോവലെന്ന രീതിയിൽ കുറിച്ചു വെക്കുകയാണ് രഘുനന്ദൻ. അയാളിപ്പോൾ വിവാഹമോചിതനാണ്. ഏഴു വർഷം മുന്റെ തന്റെ ജീവിതത്തിൽ നിന്ന് തന്റെ മകനേയും കൂട്ടി പടിയിറങ്ങിപ്പോയ മുൻ ഭാര്യം മീര (കനിഹ) ആ നഗരത്തിൽ തന്നെ കാസാറോസ എന്ന ഓർഗാനിക്ക് ടൂറിസ്റ്റ് വില്ലേജ് നടത്തുന്ന അലക്സി (ശങ്കർ രാമകൃഷ്ണൻ) ന്റെ ഭാര്യയായി ജീവിക്കുന്നു. ഒപ്പം മകൻ ആദിത്യനെന്ന സണ്ണിയും. രഘു നന്ദനൻ പക്ഷെ, ഇപ്പോഴും മുൻ ഭാര്യയോടും അവരുടെ ഭർത്താവ് അലക്സിയോടും നല്ല സൌഹൃദത്തിലാണ്. ഒരുമിച്ച് ജീവിക്കാനാവില്ല എന്ന തിരിച്ചറിവിൽ ഇരുകൂട്ടരും യുക്തിപൂർവ്വമായി ഒരുമിച്ചെടുത്ത തീരുമാനമായിരുന്നു വിവാഹ മോചനം എന്ന് രഘു വിലയിരുത്തുന്നു. അതുകൊണ്ട് തന്നെ അലക്സിയുടേയും മീരയുടേയും സന്തോഷ നിമിഷങ്ങളിൽ അതിഥിയായി രഘു എത്തിച്ചേരാറുണ്ട്. മകൻ ആദിത്യന് അയാളിപ്പോഴും അച്ഛനാണ്.

പ്രമുഖ ചാനലായ ന്യൂസ് ചാനലിലെ “ഷോ ദി സ്പിരിറ്റ്” എന്ന പ്രോഗ്രാമിന്റെ അവതാരകൻ കൂടിയാണ് രഘുനന്ദനൻ. സമൂഹത്തിലെ പല പ്രമുഖരേയും തന്റെ അതിഥിയായി വിളിച്ച് അവരെ ചോദ്യശരങ്ങൾ കൊണ്ട് കുഴപ്പിക്കുന്ന രഘുനന്ദനനെ രാഷ്ട്രീയകാർക്കും അഴിമതിക്കാർക്കും അതുകൊണ്ട് തന്നെ ഭയമാണ്. ടൂറിസം/സാംസ്കാരിക വകുപ്പ് മന്ത്രി മുരളീകൃഷ്ണനെ ഒരവസരത്തിൽ രഘുനന്ദനൻ കുഴപ്പത്തിലാക്കുന്നു. രഘുവിന്റെ അയൽ വാസിയായ ക്യാപ്റ്റൻ കൃഷ്ണൻ കർത്ത (മധു) രഘുവിന്റെ നല്ലൊരു സുഹൃത്താണ്. നഗരത്തിലെ കോശീസ് ബാർ ആണ് രഘുവിന്റെ ദിവസത്തിന്റെ തുടക്കം. അലക്സിയുടേയും മീരയുടെയും കോട്ടേജിലെ ഒരു പാർട്ടിയിൽ വെച്ച് യുവ കവിയായ സമീറിന്റെ (സിദ്ധാർത്ഥ്) ഒരു ഗാനം രഘു ആലപിക്കുന്നു. എങ്കിലും പാതിവഴിയിൽ പതിവുപോലെ രഘു ചില അസ്വാരസ്യങ്ങളുണ്ടാക്കി പാർട്ട് വിട്ടൂ പോകുന്നു. നഗരത്തിലെ എ എസ് പിയായ സുപ്രിയാ രാഘവനെ(ലെന)യും ഒരു ദിവസം രഘുനന്ദനൻ ടി വി ഷോയിൽ പങ്കെടുപ്പിക്കുന്നു. സുപ്രിയയോടും രഘു തന്റെ സ്വതസിദ്ധമായ ശൈലിയിൽ സംസാരിക്കുന്നു. ഇതിൽ ഈർഷ്യ തോന്നിയ സുപ്രിയ രഘുവിനെ യാത്രാമദ്ധ്യേ മദ്യപിച്ച് വാഹനമോടിച്ചതിനു കുറ്റം ചാർത്തുന്നു. ഇതിനിടയിൽ അലക്സിയുടെ മെഡിക്കൽ ചെക്കപ്പിൽ ബയോപ്സി ചെയ്യണമെന്നു നിർദ്ദേശിച്ചതിനാൽ ഭാര്യ മീര ആശങ്കയിലാകുന്നു. എന്നാൽ റിസൾറ്റിൽ ഒരു പ്രശ്നവുമില്ലെന്ന് കണ്ടറിയുന്നു. അതിന്റെ സന്തോഷത്തിനു മീരയൊരുക്കിയ പാർട്ടിയിൽ പതിവുപോലെ രഘുനന്ദനൻ പ്രശ്മനുണ്ടാക്കുന്നു. ഇത്തവണ അത് സുപ്രിയാ രാഘവനോടായിരുന്നു.

നിരന്തരമായ മദ്യപാനം മൂലം കരളിനു അസുഖം ബാധിച്ച യുവ കവി സമീർ ആശുപത്രിയിൽ നിന്നും തിരിച്ചു വരുന്നു. നേരെ രഘുവിന്റെ വീട്ടിലെത്തി വീണ്ടും മദ്യപാനം തുടരുന്നു. പക്ഷെ രോഗബാധിതനായ സമീർ അത്യന്തം ഗുരുതരാവസ്ഥയിലായിരുന്നു. ഇത് രഘുനന്ദനന് വലിയൊരു ആഘാതമായിരുന്നു.

കൌതുകങ്ങൾ: 
  • ഏറെ നാളുകൾക്ക് ശേഷം മോഹൻലാൽ എന്ന നടനും രജ്ഞിത്തെന്ന സംവിധായകനും ഒരുമിക്കുന്നുവെന്നത് സിനിമാ വൃത്തങ്ങളിൽ വാർത്തയും കൌതുകവുമായിരുന്നു.
  • രഞ്ജിത്തിന്റെ സഹ സംവിധായകൻ ശങ്കർ രാമകൃഷ്ണൻ ഈ സിനിമയിൽ പ്രമുഖമായൊരു വേഷം ചെയ്യുന്നു. ശങ്കർ രാമകൃഷ്ണന്റെ ആദ്യ സിനിമ
  • സിനിമയിലെ തുടക്കത്തിൽ നരേഷനു ശബ്ദം നൽകിയിരിക്കുന്നത് നടൻ സിദ്ദിഖ്
Main Crew
ഛായാഗ്രഹണം: 
വേണു Isc
ചിത്രസംയോജനം: 
വിജയ് ശങ്കർ
കലാസംവിധാനം: 
സന്തോഷ് രാമൻ
നിശ്ചലഛായാഗ്രഹണം: 
പോൾ ബത്തേരി
സംഗീതം: 
ഷഹബാസ് അമൻ
അഭിനേതാക്കൾ
അഭിനേതാവ്കഥാപാത്രം
അഭിനേതാവ്: 
മോഹൻലാൽ
കഥാപാത്രം: 
രഘുനന്ദൻ
അഭിനേതാവ്: 
കനിഹ
കഥാപാത്രം: 
മീര
അഭിനേതാവ്: 
ശങ്കർ രാമകൃഷ്ണൻ
കഥാപാത്രം: 
അലക്സി (അലക്സാണ്ടർ തദേവൂസ്)
അഭിനേതാവ്: 
തിലകൻ
കഥാപാത്രം: 
മേസ്തിരി
അഭിനേതാവ്: 
മധു
കഥാപാത്രം: 
ക്യാപ്റ്റൻ കൃഷ്ണൻ കർത്താ
കഥാപാത്രം: 
ടൂറിസം/സാംസ്കാരിക മന്ത്രി മുരളീ കൃഷ്ണൻ
അഭിനേതാവ്: 
നന്ദുലാൽ
കഥാപാത്രം: 
പ്ലംബർ മണിയൻ
അഭിനേതാവ്: 
സിദ്ധാർഥ്
കഥാപാത്രം: 
സമീർ
കഥാപാത്രം: 
ചാനൽ ക്യാമറാമാൻ ബിനോയ്
അഭിനേതാവ്: 
റ്റിനി ടോം
കഥാപാത്രം: 
ജോൺസൺ
അഭിനേതാവ്: 
കല്പന
കഥാപാത്രം: 
പങ്കജം
അഭിനേതാവ്: 
ലെന അഭിലാഷ്
കഥാപാത്രം: 
സുപ്രിയ രാഘവൻ ഐ പി എസ്
അഭിനേതാവ്: 
ഗണേഷ് കുമാർ
കഥാപാത്രം: 
ചാനൽ എം ഡി അഷ് റഫ്
അഭിനേതാവ്: 
ശിവജി ഗുരുവായൂർ
കഥാപാത്രം: 
എം എൽ എ
അഭിനേതാവ്: 
ശശി കലിംഗ
കഥാപാത്രം: 
ഗംഗാധരൻ
അഭിനേതാവ്: 
വിജയ് മേനോന്‍
കഥാപാത്രം: 
ബിസിനസ്സ്മാൻ മോഹൻ
അഭിനേതാവ്: 
ശ്രീലത നമ്പൂതിരി
കഥാപാത്രം: 
കൃഷ്ണൻ കർത്തായുടെ ഭാര്യ
അഭിനേതാവ്: 
ശ്രീരാമൻ
കഥാപാത്രം: 
രഘുനന്ദനന്റെ കൂട്ടുകാരൻ
അഭിനേതാവ്: 
ജയരാജ് വാര്യർ
കഥാപാത്രം: 
കഥകളി സംഘം സെക്രട്ടറി
Dubbing
ശബ്ദം നല്കിയവർശബ്ദം സ്വീകരിച്ചത്
ശബ്ദം നല്കിയവർ: 
ശബ്ദം സ്വീകരിച്ചത്: 
Technical Crew
വസ്ത്രാലങ്കാരം: 
സമീറ സനീഷ്
ഡിസൈൻസ്: 
ഓൾഡ് മോങ്ക്സ്
Video & Shooting
ചിത്രീകരണം നടന്ന സ്ഥലങ്ങൾ: 
കൊച്ചിയാണ് ചിത്രത്തിന്റെ പ്രധാന ഷൂട്ടിംഗ് ലൊക്കേഷൻ

ആസ്വാദനങ്ങൾ

3

സ്പിരിറ്റ്, കയറിയതും ഇറങ്ങിയതും.

സ്പിരിറ്റ്, കയറിയതും ഇറങ്ങിയതും.(മീനുക്കുട്ടി ചാച്ചാം‌മ്പറമ്പിൽ)രഞ്ജിത്ത് പിരിച്ചുവച്ചുകൊടുത്ത മീശയുമായി ഒരുപാടു പരകാശപ്രവേശം നടത്തിയ മോഹൻ‌ലാൽ വീണ്ടും രഞ്ജിത്തിന്റെ സ്ക്രിപ്റ്റിൽ, രഞ്ജിത്തിന്റെ തന്നെ കൺ‌ട്രോളിൽ.. പിന്നെ ഒരുപാടു മദ്യവും. മതി. എന്തെങ്കിലുമൊക്കെ സംഭവിക്കും എന്നുറപ്പുണ്ടായിരുന്നു. സംഭവിച്ചതെല്ലാം ഒരു സ്പോയിലർ അലർട്ടോടെ സ്ക്രീനിൽ രണ്ടായി പകുത്തു വയ്ക്കാം. ആദ്യപകുതി:- രഘുനന്ദനൻ... - മുഴുവൻ വായിയ്ക്കുക
7
3

മദ്യവിരുദ്ധോപദേശങ്ങൾ അഥവാ Fucking night

താരനിർമ്മിതിയുടെ റെസിപ്പി കൃത്യമായറിയാവുന്ന സംവിധായകൻ രഞ്ജിത്തും അത്തരം വിഗ്രഹനിർമ്മാണങ്ങളുടെ ആറാം തമ്പുരാൻ മോഹൻലാലും ഒരുമിച്ച സ്പിരിറ്റ് ഒരു ഉപദേശാഖ്യാനമാണ്. അതുകൊണ്ടാവണം, വയലാർ രവി പോലെ സമുന്നതരാഷ്ട്രീയനേതാക്കൾ വരെ ഈ പടം ദൂരദർശൻ പ്രദർശിപ്പിച്ച് ജനങ്ങളെ ഉദ്ബോധിപ്പിക്കണം എന്നു പറഞ്ഞത്. കേരളജനസാമാന്യത്തിന് എളുപ്പം സംവദിയ്ക്കാവുന്ന, 'മദ്യപാനം ആരോഗ്യത്തിന് ( മാനസികമായും ശാരീരികമായും) ഹാനികരം' എന്ന... - മുഴുവൻ വായിയ്ക്കുക
3
3

രഞ്ജിത്തും "മദ്യ"വും പിന്നെ മദ്യത്തിന്റെ "ക്ലാസും"...

രണ്ജിതിന്റെ പുതിയ സിനിമയായ സ്പിരിറ്റ്‌ കണ്ടു.പതിവ് പോലെ പ്രത്യക്ഷത്തില്‍ പുരോഗമനം എന്ന് 'തോന്നിപ്പിക്കുന്ന' ഒരു സിനിമ. 'മദ്യവിമുക്തമായ നാടി'ന് വേണ്ടി പ്രയത്നിക്കുന്ന സിനിമ.എന്നാല്‍ അതിലൂടെ കുത്തിവെക്കുന്ന മറ്റു സാമൂഹ്യ ''വിഷങ്ങള്‍'' കാണാതെ പോകുന്നത് ശരിയല്ല എന്ന് തോന്നുന്നു. മദ്യപാനിയും സര്‍വോപരി 'ജീനിയസു'മായ രഘുനന്ദനിലൂടെയാണ് കഥ പറയുന്നത്. മദ്യപാനം മൂലം വിവാഹബന്ധം വേർപെടുത്തേണ്ടി വന്നിട്ടും... - മുഴുവൻ വായിയ്ക്കുക
2
1

സ്പിരിറ്റ്-പ്രദര്‍ശനപരതയ്ക്കിട്ടൊരു കുത്ത്

(സ്പോയിലര്‍ അലര്‍ട്ട് എന്നു പറഞ്ഞുകൂടെങ്കിലും, സിനിമയുടെ കഥാഗതി വിളിച്ചുപറയുന്ന ചിലതെങ്കിലും ഈ കുറിപ്പിലുണ്ട്. സിനിമ കാണണം എന്നുള്ളവര്‍ക്ക് കണ്ടിട്ടുവന്ന് വായിയ്ക്കാം. നെഗറ്റീവ് റിവ്യൂ പ്രളയം കണ്ട് ഇത് കാണാന്‍ പോകുന്നില്ല എന്ന്‍ തീരുമാനിച്ചവര്‍ക്കും കണ്ടവര്‍ക്കും വായിക്കാവുന്നതാണ്. എന്നാൽ ഈ റിവ്യൂ ഫാന്‍സുകാര്‍ക്ക് ആഘോഷിക്കാനുമുള്ളതല്ല. പോസ്റ്റിനു താഴെ വന്ന്‍ 'ലാലണ്ണന്‍ കീ ജയ്' എന്നെഴുതി... - മുഴുവൻ വായിയ്ക്കുക
24
1

സ്പിരിറ്റ് - സിനിമാസ്വാദനം

കഴിഞ്ഞ കുറച്ചു വർഷങ്ങൾക്ക് ശേഷം നടൻ മോഹൻലാലും സംവിധായകൻ രഞ്ജിത്തും ഒന്നിക്കുന്ന സിനിമ എന്ന പ്രത്യേകതയുള്ളതും ഒപ്പം കച്ചവട സിനിമകളിൽ നിന്ന് ഒരല്പം വഴിമാറി നല്ല സിനിമകൾ ചെയ്യാൻ രൂപഭാവം മാറിയ രഞ്ജിത് എന്ന എഴുത്തുകാരൻ-സംവിധായകന്റെ പുതിയ സിനിമയുമാണ് “സ്പിരിറ്റ്”. താരത്തിന്റെ പ്രേക്ഷകരേയും രഞ്ജിത് സിനിമകളുടെ ആരാധകരേയും അധികം നിരാശപ്പെടുത്താതെ രസകരമായ മുഹൂർത്തങ്ങളിലൂടെ ഇതൾ വിരിഞ്ഞ് ഒരല്പം അവിശ്വസനീയവും... - മുഴുവൻ വായിയ്ക്കുക
2
1

Wine is bottled poetry! ചിയേര്‍സ് സ്പിരിറ്റ്‌!!

രണ്ടെണ്ണം അടിക്കാതെ കുറിക്കുന്നതാണ്. തെറ്റുകുറ്റങ്ങള്‍ മാപ്പാക്കണം. 'സ്പിരിറ്റ്‌' കണ്ടതിന്റെ വെള്ളിവെളിച്ചത്തില്‍ രണ്ടു മുന്നറിയിപ്പുകള്‍ കൂടി. മദ്യപാനം ആരോഗ്യത്തിന് ഹാനികരം, പുകവലിയും അങ്ങനെ തന്നെ. മറക്കല്ലേ കോണ്ടം നല്ലതിന് ..! കഥാവഴി******സിനിമ കാണും മുന്നേ കഥ കേട്ടാല്‍ ത്രില്ല് പോകും എന്നുള്ളവര്‍ ഈ കഷണം വായിക്കേണ്ട. രഘുനന്ദന്‍  അതാണ്‌ അയാളുടെ പേര്. കക്ഷി കേമനാണ്. അഞ്ചു ഭാഷകള്‍ അറിയാം... - മുഴുവൻ വായിയ്ക്കുക
1

എഡിറ്റിങ് ചരിത്രം

എഡിറ്റർ സമയം ചെയ്തതു്
രാകേഷ് കോന്നി 17 Sep 2012 - 19:38 അടിസ്ഥാന വിവരങ്ങൾ ചേർത്തു