പൊൻകണി വയ്ക്കുവാന് എന് തൊടി അറ്റത്തു
പിന്നെയും കൊന്ന ഒരുങ്ങി
പിന്നെയും കൊന്ന ഒരുങ്ങി
കിങ്ങിണി കൊഞ്ചുന്ന ചേലൊന്നു കാണുമ്പോൾ
എല്ലാം മറന്നുള്ളം തുള്ളി
ഞാന് എന്നെ മറന്നെങ്ങോ പോയി
നാളെ ഇതു വഴി വീശാൻ, നീളും
ചേല ഞൊറിയുന്ന കാറ്റേ
നിന് വിരൽ തുമ്പു കൊണ്ടെന്റെ, കണി-
ക്കൊന്ന മലരെ തൊടാതെ
കൊന്ന മലരെത്തൊടാതെ
കുമ്പിളൊരെണ്ണം ഞാന് തീർക്കാം, നീ-
യെത്തിടും മുന്നേ പെറുക്കാൻ, ചെറു
ചെപ്പിലടച്ചു ഞാന് വയ്ക്കാം, പ്രിയ-
നെത്തുമ്പോൾ കയ്യിൽ കൊടുക്കാൻ
വിൺ ചെരുവിൽ ഒറ്റ നാണ്യം, വിഷു-
ക്കൈനീട്ടമായിന്നുദിയ്ക്കേ..
നിന്റെ വാർ നെറ്റിയിൽ മെല്ലതു തൊട്ടൊരു
മഞ്ഞളിന് ചന്തത്തിൽ ഞാൻ മയങ്ങി
വെള്ളരി പിഞ്ചൊന്നു പേറും, നല്ല
വെള്ളൊട്ടുരുളിയിന് മധ്യേ
ഭംഗിയിൽ ചാർത്തിടാം നിന്നെ, വരും
നല്ല കാലത്തിന് കണിയെ
വരും നല്ല കാലത്തിന് കണിയെ
പിന്മൊഴികൾ
നന്ദി മുകില്. സന്തോഷം ഈ വരവിനു.....ഈ നല്ല വാക്കുകള്ക്കു.
nannayittundu...
മനോഓഓഓഓഓഹരം. തരളിതം വരികള്. സന്തോഷം. പാടിയ ആളു അതു നന്നായി ചെയ്തിരിക്കുന്നു. വരികളിലെ ചാരുത അര്ത്ഥബോധത്തോടെ പകര്ത്തിയിരിക്കുന്നു ശബ്ദത്തില്. അഭിനന്ദനം.
Thank you dear Nisi
Nandi Akbar
വിണ് ചെരുവില് ഒറ്റ നാണ്യമ്
വിഷുക്കൈനീട്ടമായ് ഇന്നുദിയ്ക്കേ
നിന്റെ വാര് നെറ്റിയില് മെല്ലതു തൊട്ടൊരു
മഞ്ഞളിന് ചന്തത്തില് ഞാന് മയങ്ങി
ഇതിനേക്കാള് നന്നായി വിശുപ്പുലരിയുടെ സന്തോഷം എങ്ങിനെ പറയും. അതീവ സുന്ദരമായ കാവ്യ ഭാവന എന്ന് മാത്രം പറയട്ടെ.
മനോഹരമായ ആലാപനം കവിതയെ ഏറെ ആസ്വാദ്യകരമാക്കി. അഭിനന്ദനങ്ങള്.
beautiful lyrics and beautifully recited too...
മനസ്സില് ഗൃഹാതുരത്വത്തിന്റെ പൂത്തിരി കത്തിച്ച അനുഭവം.. വരികളിലൂടെയും ഓര്മകളിലൂടെയും മാത്രം പൂക്കുന്ന കണിക്കൊന്ന ശരവേഗതയില് പായുന്ന വിഷുക്കാഴ്ചകളുടെ നൊമ്പരമാകുന്നു... പാദത്തോളം കുനിയുന്ന ശിരസ്സില് അനുഗ്രഹത്തിന്റെ കൈസ്പര്ശം ഇനി ഓര്മമാത്രം.. നല്ല വരികള്ക്ക് നല്ല ഗായക ശബ്ദം.. നന്ദി.. മനസ്സിനെ നന്മയുടെ വിഷുക്കണിയിലേക്ക് വിളിച്ചുണര്ത്തിയതിന്..
അതി ഭാവുകത്വങ്ങളൊന്നുമില്ലാത്ത, വളരെ ലാളിത്യമാർന്ന വരികൾ. പ്രതീക്ഷകളെ വളരെ തെളിമയോടും തനിമയോടും അവതരിപ്പിച്ചിരിക്കുന്നു. താളാത്മകമായ വരികൾ.
ആലാപനം അത്ഭുതപ്പെടുത്തുന്നു. കവിതയുടെ സൗന്ദര്യം ചോരാതെ അതി മനോഹരമായി രാജീവ് ചേട്ടൻ ആലപിച്ചിരിക്കുന്നു. ചെറിയ സംഗതികൾ പോലും അതിൽ തെളിമയോടെയും വ്യക്തതയോടെയും സൂക്ഷ്മമായി ആലാപനത്തിൽ പ്രകടമായി. ഈ ശബ്ദവും ആലാപന മാധുര്യവും പുതിയ ഗാനങ്ങൾക്ക് ഉപയോഗപ്പെടുന്നില്ലെന്നത് ഒരു വലിയ നഷ്ടം തന്നെയാണ്.
രണ്ടു പേർക്കും അഭിനന്ദനങ്ങൾ, ആശംസകൾ…
ജി. നിശീകാന്ത്
Very very nice - both lyrics and rendition. Congrats
Ambili and Rajeev.
വളരെ സൂക്ഷ്മതയോടെ പാടിയിരിക്കുന്നു രാജീവ്. കവിതയിലെ ലാളിത്യം ആലാപനത്ത്തിലും കലർത്തിയിട്ടുണ്ട്.
കിട്ടിയ സമയത്ത് അതും കേട്ടു ,കവിത നന്നായിട്ടുണ്ട് ,വല്യ അഭിപ്രായം പറയാന് ഒന്നും അറിയില്ല ,ഇനിയും പോരട്ടങ്ങനെ പോരട്ടെ ....
beautiful....nice lines...
നല്ല വരികള്.. നല്ല ആലാപനം..
മനോഹരമായിട്ടുണ്ട്!
എന്താണിത്ര ലെയ്റ്റായത് ഇത് പോസ്റ്റാന്?
വിഷുവിന് പോസ്റ്റേണ്ടതായിരുന്നു.. :)
ആശംസകള്!
നാളെ ഇതു വഴി വീശാൻ, നീളും
ചേല ഞൊറിയുന്ന കാറ്റേ
നിന് വിരൽ തുമ്പു കൊണ്ടെന്റെ, കണി-
ക്കൊന്ന മലരെ തൊടാതെ
കൊന്ന മലരെത്തൊടാതെ
കുമ്പിളൊരെണ്ണം ഞാന് തീർക്കാം, നീ-
യെത്തിടും മുന്നേ പെറുക്കാൻ, ചെറു
ചെപ്പിലടച്ചു ഞാന് വയ്ക്കാം, പ്രിയ-
നെത്തുമ്പോൾ കയ്യിൽ കൊടുക്കാൻ