മമ്മൂട്ടി
വൈക്കത്തിനടുത്ത് ചെമ്പിൽ മുഹമ്മദ്കുട്ടി ഇസ്മയിൽ പണിപ്പറമ്പിൽ എന്ന പേരിൽ 1951 സെപ്റ്റംബർ-7നു ജനിച്ചു. 1960ൽ കുടുംബത്തോടൊപ്പം എറണാകുളത്തേക്ക് മാറിയ മുഹമ്മദ്കുട്ടി സെന്റ് ആൽബർട്ട്സ് സ്കൂൾ, ഗവണ്മെന്റ് ഹൈസ്കൂൾ എന്നിവിടങ്ങളിലായി സ്കൂൾ വിദ്യാഭ്യാസം പൂർത്തിയാക്കി. മഹാരാജാസ് കോളേജിൽ നിന്നും പ്രീ-യൂണിവേർസിറ്റി പഠിച്ചിറങ്ങിയ മുഹമ്മദ്കുട്ടി എറണാകുളം ഗവ. ലോ കോളേജിൽ നിന്നും എൽ.എൽ.ബി പഠനവും പൂർത്തിയാക്കി. കെ എസ് സേതുമാധവന്റെ സംവിധാനത്തിൽ 1971ൽ പുറത്തിറങ്ങിയ 'അനുഭവങ്ങൾ പാളിച്ചകൾ' എന്ന സിനിമയിലൂടെയാണു മുഹമ്മദ്കുട്ടി സിനിമയിലേക്ക് കടന്നുവന്നത്. ഈ ചിത്രത്തിൽ വളരെ അപ്രധാനമായ ഒരു വേഷമാണ് അദ്ദേഹം കൈകാര്യം ചെയ്തത്. പിന്നീട് 1973ൽ പുറത്തിറങ്ങിയ 'കാലചക്രം' എന്ന സിനിമയിൽ സംഭാഷണമുള്ളരൊരു വേഷം ചെയ്തു. ഈ സിനിമയിൽ 'സജിൻ' എന്ന പേരിലാണ് മുഹമ്മദ്കുട്ടി അഭിനയിച്ചത്. പിന്നീട് 1979ൽ എം ടി വാസുദേവൻ നായരുടെ സംവിധാനത്തിൽ 'ദേവലോകം' എന്ന ചിത്രത്തിൽ നായകവേഷം ചെയ്തെങ്കിലും ആ ചിത്രം പുറത്തിറങ്ങിയില്ല.
1980ൽ എം ടി വാസുദേവൻ നായർ എഴുതി ശ്രീ. ആസാദ് സംവിധാനം നിർവഹിച്ച 'വിൽക്കാനുണ്ട് സ്വപ്നങ്ങൾ' എന്ന ചിത്രത്തിൽ ഒരു പ്രധാനപ്പെട്ട വേഷത്തിൽ അഭിനയിച്ചു. ഈ സിനിമയിൽ അഭിനയിക്കവേയാണു ശ്രീ തിക്കുറിശ്ശി സുകുമാരൻ നായർ മുഹമ്മദ്കുട്ടിക്ക് മമ്മൂട്ടി എന്ന പേരു നിർദ്ദേശിച്ചത്. ശ്രീനിവാസനാണു ഈ സിനിമയിൽ മമ്മൂട്ടിക്കു വേണ്ടി ശബ്ദം നൽകിയത്. 1980ൽ തന്നെ പുറത്തിറങ്ങിയ 'മേള' എന്ന ചിത്രത്തിലാണ് ആദ്യമായി ഒരു മുഴുനീള വേഷത്തിൽ മമ്മൂട്ടിയെത്തിയത്. ഈ ചിത്രം അദ്ദേഹത്തിന്റെ അഭിനയജീവിതത്തിന്റെ ഒരു വഴിത്തിരിവാവുകയായിരുന്നു.
മൂന്നു തവണ ഏറ്റവും നല്ല നടനുള്ള ദേശീയ അവാർഡും ആറ് തവണ സംസ്ഥാന സർക്കാരിന്റെ അവാർഡും സ്വന്തമാക്കിയിട്ടുള്ള മമ്മൂട്ടി 11 ഫിലിം ഫെയർ അവാർഡുകളും നേടി. 1998ൽ രാജ്യം പത്മശ്രീ നൽകി അദ്ദേഹത്തെ ആദരിച്ചപ്പോൾ 2010ൽ കേരള യൂണിവേർസിറ്റി അദ്ദേഹത്തിനു ഓണററി ഡോക്ടറേറ്റ് നൽകി.
നിയമപഠനത്തിനു ശേഷം 2 വർഷം മഞ്ചേരിയിൽ വക്കീലായി ജോലിചെയ്ത മമ്മൂട്ടി 1980ൽ സുൽഫത്തിനെ വിവാഹം കഴിച്ചു. മക്കൾ: സുറുമി, മലയാളത്തിലെ പുത്തൻ താരോദയങ്ങളിലൊരാളായ ദുൽഖർ സൽമാൻ
ഫേസ്ബുക്ക് പേജ്
അഭിനയിച്ച സിനിമകൾ
സിനിമ | കഥാപാത്രം | സംവിധാനം | വര്ഷം |
---|---|---|---|
കളിക്കളം | ശങ്കർ, പപ്പൻ, വാസുദേവൻ, രാമകൃഷ്ണൻ, റ്റോണി, ഗൗതമൻ | സത്യൻ അന്തിക്കാട് | 1990 |
പൂമുഖപ്പടിയിൽ നിന്നെയും കാത്ത് | ഡോ ഐസക് പീറ്റർ | ഭദ്രൻ | 1986 |
ഒരേ കടൽ | ഡോ.എസ് ആർ നാഥൻ | ശ്യാമപ്രസാദ് | 2007 |
അമരം | അച്ചൂട്ടി | ഭരതൻ | 1991 |
ആ നേരം അല്പദൂരം | ജെയിംസ്കുട്ടി | തമ്പി കണ്ണന്താനം | 1985 |
അകലത്തെ അമ്പിളി | അജയൻ | ജേസി | 1985 |
അങ്ങാടിക്കപ്പുറത്ത് | ജോസ് | ഐ വി ശശി | 1985 |
അനുബന്ധം | മുരളീധരൻ മാസ്റ്റർ | ഐ വി ശശി | 1985 |
അയനം | ജോണി | ഹരികുമാർ | 1985 |
ഈ ലോകം ഇവിടെ കുറെ മനുഷ്യർ | ഉമ്മർ | പി ജി വിശ്വംഭരൻ | 1985 |
ഈ ശബ്ദം ഇന്നത്തെ ശബ്ദം | ഡോ രാമചന്ദ്രൻ | പി ജി വിശ്വംഭരൻ | 1985 |
ഈ തണലിൽ ഇത്തിരി നേരം | വിജയൻ | പി ജി വിശ്വംഭരൻ | 1985 |
ഈറൻ സന്ധ്യ | മാധവൻ കുട്ടി | ജേസി | 1985 |
എന്റെ കാണാക്കുയിൽ | മോഹൻകുമാർ | ജെ ശശികുമാർ | 1985 |
അയ്യർ ദി ഗ്രേറ്റ് | സൂര്യനാരായണൻ | ഭദ്രൻ | 1990 |
കോട്ടയം കുഞ്ഞച്ചൻ | കുഞ്ഞച്ചൻ | ടി എസ് സുരേഷ് ബാബു | 1990 |
കുട്ടേട്ടൻ | വിഷ്ണു നാരായണൻ | ജോഷി | 1990 |
നമ്പർ 20 മദ്രാസ് മെയിൽ | മമ്മൂട്ടി | ജോഷി | 1990 |
ഒളിയമ്പുകൾ | ബേബിച്ചൻ | ടി ഹരിഹരൻ | 1990 |
പരമ്പര | ജോണി / ലോറൻസ് | സിബി മലയിൽ | 1990 |
നിർമ്മാണം
സിനിമ | സംവിധാനം | വര്ഷം |
---|---|---|
ജവാൻ ഓഫ് വെള്ളിമല | അനൂപ് കണ്ണൻ | 2012 |
ആലപിച്ച ഗാനങ്ങൾ
ഗാനം | ചിത്രം/ആൽബം | രചന | സംഗീതം | രാഗം | വര്ഷം |
---|---|---|---|---|---|
ലേഡീസ് കോളേജിൽ | മഴയെത്തും മുൻപേ | ബിച്ചു തിരുമല | ആനന്ദ് രാജ് | 1995 | |
പൊലിയോ പൊലി പൂക്കില | പല്ലാവൂർ ദേവനാരായണൻ | ഗിരീഷ് പുത്തഞ്ചേരി | രവീന്ദ്രൻ | 1999 | |
ചങ്ങഴിമുത്തുമായ് | ലൗഡ് സ്പീക്കർ | അനിൽ പനച്ചൂരാൻ | ബിജിബാൽ | 2009 | |
മഞ്ഞിന്റെ മാറാല നീങ്ങുന്നു | ലൗഡ് സ്പീക്കർ | അനിൽ പനച്ചൂരാൻ | ബിജിബാൽ | 2009 | |
ആരാണ്ടും കൂരി കൂട്ടി | കുട്ടിസ്രാങ്ക് | ട്രഡീഷണൽ | ഐസക് തോമസ് കൊട്ടുകാപ്പള്ളി | 2010 | |
ഒന്നാം കുന്നുമ്മ | ജവാൻ ഓഫ് വെള്ളിമല | അനിൽ പനച്ചൂരാൻ | ബിജിബാൽ | 2012 | |
എന്താ ജോൺസാ | അങ്കിൾ | ട്രഡീഷണൽ | ബിജിബാൽ | 2018 |
അതിഥി താരം
തലക്കെട്ട് | സംവിധാനം | വര്ഷം |
---|---|---|
മഴ പെയ്യുന്നു മദ്ദളം കൊട്ടുന്നു | പ്രിയദർശൻ | 1986 |
പാളയം | ടി എസ് സുരേഷ് ബാബു | 1994 |
പ്രേം പൂജാരി | ടി ഹരിഹരൻ | 1999 |
വൺവേ ടിക്കറ്റ് | ബിപിൻ പ്രഭാകർ | 2008 |
ചിരിയോ ചിരി | ബാലചന്ദ്ര മേനോൻ | 1982 |
ബെസ്റ്റ് ഓഫ് ലക്ക് | എം എ നിഷാദ് | 2010 |
പ്രിയൻ ഓട്ടത്തിലാണ് | ആന്റണി സോണി സെബാസ്റ്റ്യൻ | 2022 |
അവാർഡുകൾ
Edit History of മമ്മൂട്ടി
Updated date | എഡിറ്റർ | ചെയ്തതു് |
---|---|---|
12 Mar 2014 - 07:55 | Swapnatakan | corrected spelling mistakes |
11 Dec 2013 - 15:39 | Dileep Viswanathan | |
27 Feb 2009 - 00:31 | tester |
- മുൻപത്തേതു്
- 2 of 2