ഈ യാഗവേദിയിൽ

ഈ വെളിച്ചത്തിലെ
ഭാവി തൻ കൈവിളക്കിൽ
നാം കൊളുത്തുമീ
പൂവൊളി നാളത്തെയുജ്ജ്വലിപ്പിക്കുവാൻ
എല്ലാം ത്യജിച്ചവർ
എന്തും സഹിച്ചവർ
രക്തനക്ഷത്രങ്ങൾ നിങ്ങളാണീ യുഗം
കത്തിച്ചുയർത്തിയ രക്ത നക്ഷത്രങ്ങൾ
കൈക്കൊൾക ഞങ്ങൾ തൻ
ധന്യവാദം
ധീരധന്യവാദം
പൂക്കളേ പുല്ലാങ്കുഴലുകളേ
പുഴയോളങ്ങളേ
ഏഴു കടലിലിരമ്പുമനന്ത സഹസ്രതരംഗങ്ങളേ
താരസ്വരത്തിലാലപിക്കുവിൻ
ധന്യവാദം രക്തനക്ഷത്രമേ
ധന്യവാദം  ധീരധന്യവാദം