വിടപറയുമെൻ സായാഹ്നമേ
ഉം ..ഉം ഉം ഉം ..
വിടപറയുമെൻ സായാഹ്നമേ
വിടപറയുമെൻ സായാഹ്നമേ
ഇരുളലകളിൽ താഴുന്നുവോ
ശോകാദ്രമീ തിരമാലകൾ..
അവിരാമമായി ശ്രുതിമീട്ടവേ
നിറതാരകൾ വിറകൊൾകവേ
വിടപറയുമെൻ സായാഹ്നമേ
പാതിയിലൊരു പാട്ട് കഴിയേ
പാതിയിലൊരു പാട്ട് കഴിയേ
ഓർമ്മയിലൊരു വാക്ക് മുറിയേ..
അതിലോലമേതോ മൃദുപാദതാളം
പാതിവഴിയേ മാഞ്ഞുമറയേ
പാതനിറയേ മൗനമണയേ
നിഴലായി ഞാൻ തീരങ്ങളിൽ
വിടപറയുമെൻ സായാഹ്നമേ
വാസരവധു പോയതെവിടെ
ആകുലമൊരു മേഘനിവിടെ
ഉദയാംശുപോലെ നിഴൽമാല മാറ്റി
വീണ്ടുമൊരു നാൾ നീ വരില്ലേ
മൂടുമിരുളിൽ പോരുകില്ലേ..
അലയുന്നു ഞാൻ ഓരങ്ങളിൽ
വിടപറയുമെൻ സായാഹ്നമേ
ഉം..ഉം ..
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
vidaparayumen sayahname (81/4 second movie songs)
