ഇളവെയിൽ വിരലുകളാൽ

ഇളവെയിൽ വിരലുകളാൽ
ഇലകളിൽ മലരുകളിൽ
ചായം തൂകുന്നു.. (2 )
നിഴലുകലെഴുതി സന്ധ്യകൾ
പലനിറമൊന്നായി രാവുകൾ
പേലവമൊരു പീലിതുമ്പായി മാറി ഞാനും
ഇളവെയിൽ വിരലുകളാൽ
ഇലകളിൽ മലരുകളിൽ
ചായം തൂകുന്നു..

പാറുന്നു കിളികളിതോരോരോ
ചായങ്ങൾ കുടയുമ്പോലെങ്ങോ
മായുന്നു മുഴുവനുമാകാതെ
തീരത്തിൽ തിരയുടെ കോലങ്ങൾ
ചാലിപ്പൂ മറവികൾ ഓർമ്മകളിൽ
നെഞ്ചിൻ തളികയിൽ ഒരു പുതുരാഗം
തീർക്കുംപോലെ (2 )

ഇളവെയിൽ വിരലുകളാൽ
ഇലകളിൽ മലരുകളിൽ
ചായം തൂകുന്നു..

ഭാവങ്ങൾ വരയുകയാണല്ലോ
ഈ മണ്ണിൽ ഋതുവിരലാൽ ആരോ
മാരിക്കാർ മുകിലിലുമേതേതോ
രൂപങ്ങൾ തെളിയുകയാണല്ലോ 
പോരുന്നു ഒരുപിടി നിറവുമായി
രാവിന്റെ പടവുകൾ കയറും മേഘം
ദൂരെ വാനിൽ (2 )

ഇളവെയിൽ വിരലുകളാൽ
ഇലകളിൽ മലരുകളിൽ
ചായം തൂകുന്നു.. (2 )
നിഴലുകലെഴുതി സന്ധ്യകൾ
പലനിറമൊന്നായി രാവുകൾ
പേലവമൊരു പീലിതുമ്പായി മാറി ഞാനും

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ilaveyil viralukalal

Additional Info

Year: 
2013

അനുബന്ധവർത്തമാനം