പൂജാമണിയറ തുറക്കൂ

പൂജാമണിയറ തുറക്കൂ മലരേ
റോജാ രാജകുമാരീ
അനുരാഗലോലൻ വരവായ് മധുപൻ
ആരാമകുസുമ വിഹാ‍രീ
(പൂജാമണിയറ)

ഇരുളിന്റെ കരിമ്പടം നീക്കിയ ഭൂമി
ഇളവെയിൽ പൊന്നാടയുടുത്തൂ
മൃദുലേ ഉണരൂ ഇനിയെന്റെ കണ്മണിതൻ
കുനു കുന്തളത്തിൽ നീ കുടിയിരിയ്ക്കൂ
(പൂജാമണിയറ)

കുളിരണി പൂന്തെന്നൽ പരിമളമുണർത്തി
തളിരുകൾ പൂങ്കുട നിവർത്തീ
അഴകേ ഉണരൂ ഇനിയെന്റെ ഓമലിൻ
കേശ സിംഹാസനം നീ അലങ്കരിയ്ക്കൂ
(പൂജാമണിയറ)