അഞ്ജനക്കുളിർനീലവിണ്ണിലെ
അഞ്ജനക്കുളിര്‍ നീല വിണ്ണിലെ കല്‍പ്പടവില്‍
പഞ്ചമി പെണ്‍കൊടി വന്നിരുന്നു
നാളത്തെ രാത്രിയല്ലോ വേളിമുഹൂര്‍ത്തമെന്നു
നാണിച്ചു നാണിച്ചവള്‍ ഉം..ഉം...ഉം
നാണിച്ചു നാണിച്ചവള്‍ നിനച്ചിരുന്നു
അഞ്ജനക്കുളിര്‍ നീല വിണ്ണിലെ കല്‍പ്പടവില്‍
പഞ്ചമി പെണ്‍കൊടി വന്നിരുന്നു - വന്നിരുന്നു
കാണാത്ത സ്വര്‍ഗ്ഗത്തിന്റെ കാഞ്ചന മണിത്താക്കോല്‍
കാണിക്കവെയ്ക്കാനെത്തും കല്യാണരാവില്‍
മൂകാനുരാഗത്തിന്റെ മുത്തണിക്കുമ്പിളിലെ
പൂജാമലരേ നിന്നെ അവന്‍ നുകരും
മെല്ലേ അവന്‍ നുകരും
അഞ്ജനക്കുളിര്‍ നീലവിണ്ണിലെ കല്‍പ്പടവില്‍
പഞ്ചമി പെണ്‍കൊടി വന്നിരുന്നു - വന്നിരുന്നു
മൂടുപടം വെടിഞ്ഞ മോഹമായ്‌ നീ അവനെ
മൂവുരു വലം വച്ചു തൊഴുതു നില്‍ക്കും
ആ മണിക്കോവിലിലെ ദീപങ്ങളണഞ്ഞാലും
ഓമലെ പൗര്‍ണമിയായ്‌ തെളിഞ്ഞുനില്‍ക്കും
നീ തെളിഞ്ഞുനില്‍ക്കും
അഞ്ജനക്കുളിര്‍ നീല വിണ്ണിലെ കല്‍പ്പടവില്‍
പഞ്ചമി പെണ്‍കൊടി വന്നിരുന്നു
നാളത്തെ രാത്രിയല്ലോ വേളിമുഹൂര്‍ത്തമെന്നു
നാണിച്ചു നാണിച്ചവള്‍ നിനച്ചിരുന്നു
നാണിച്ചു നാണിച്ചവള്‍ നിനച്ചിരുന്നു
