അംബികേ ജഗദംബികേ

പാരീരേഴിനും നാരായവേരായി
പാരമാനന്ദ സ്വാന്തസ്വരൂപമായ്

അംബികേ ജഗദംബികേ സുരവന്ദിതേ ശരണം
അഖിലചരാചര രക്ഷകിയാം മുനിവന്ദിതേ ശരണം
(അംബികേ.. )
കരുണാരൂപിണി കാവില്‍ ഭഗവതി
കൈവെടിയരുതേ നീ
തായേഭഗവതി നീയേ ശരണം
തറയില്‍ ഭഗവതിയേ (അംബികേ)

കാരണകാരിണിയായവള്‍ നീ രിപു-
മാരണമരുളും ചണ്ഡികനീ
ശാര്‍ക്കരഭഗവതി ശങ്കരിശുഭകരി
ശരണാഗതജന രക്ഷകി നീ (അംബികേ)

താഴേനില്‍ക്കാന്‍ തറ നല്‍കണമേ
തളിയില്‍ ഭഗവതിയേ
തലയ്ക്കുമേലൊരു തണലേകണമേ
തായേഭഗവതിയേ (അംബികേ)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
6
Average: 6 (4 votes)
ambike jagadambike

Additional Info

Year: 
1972

അനുബന്ധവർത്തമാനം