മനുഷ്യൻ കൊതിക്കുന്നു

മനുഷ്യൻ കൊതിക്കുന്നു - ദൈവം വിധിക്കുന്നു
മനസ്സിന്റെ മാണിക്യശില്പങ്ങൾ തകരുന്നു
മധുരിക്കുംസ്വപ്നങ്ങൾ മിഴിനീരിലലിയുന്നു 
മനുഷ്യൻ കൊതിക്കുന്നു - ദൈവം വിധിക്കുന്നു

ഒരു പൂവു കിട്ടുമ്പോൾ ഒരു പൂവനം വേണം
ഒരു വനി കിട്ടുമ്പോൾ ഒരു വസന്തം വേണം
അഭിലാഷപുഷ്പങ്ങൾ ആയിരം വിടരുന്നു
അവസാനം മരണത്തിൻ കൊടുങ്കാറ്റിൽ കൊഴിയുന്നു 
മനുഷ്യൻ കൊതിക്കുന്നു - ദൈവം വിധിക്കുന്നു

കണ്ണുനീരൊപ്പുവാൻ സ്വർണ്ണത്തിനാകുമോ
കാഞ്ചനം ആത്മാവിൻ വേദന മാറ്റുമോ
നിൻ നിണം വേർപ്പാക്കി നേടാത്ത നിധിയെല്ലാം
നിൻ ജീവവേദിയിൽ ശാശ്വതമാകുമോ 

മനുഷ്യൻ കൊതിക്കുന്നു - ദൈവം വിധിക്കുന്നു
മനസ്സിന്റെ മാണിക്യശില്പങ്ങൾ തകരുന്നു
മധുരിക്കുംസ്വപ്നങ്ങൾ മിഴിനീരിലലിയുന്നു 
മനുഷ്യൻ കൊതിക്കുന്നു - ദൈവം വിധിക്കുന്നു