അങ്ങനെ ഒരവധിക്കാലത്ത്

പിന്നീട് ടീനയെ ആക്രമിച്ച കേസ് കോടതിയിലെത്തിയപ്പോൾ ബാലകൃഷ്ണനെ അമ്പരപ്പിച്ചു കൊണ്ട് നിർമ്മല ബാലകൃഷ്ണനെതിരെ മൊഴി നൽകുന്നു.അതിൽ ബാലകൃഷ്ണൻ അതീവ ദുഖിതനാവുന്നു.ചെയ്യാത്ത കുറ്റത്തിന് ബാലകൃഷ്ണൻ ജയിലിലാകുന്നു. ബാലകൃഷ്ണൻ ജയിലിൽ നിന്ന് മടങ്ങുമ്പോൾ ബസിൽ വച്ച് നന്ദകുമാർ എന്നയാളെ പരിചയപ്പെടുകയും ബാലകൃഷ്ണന്റെ അനുഭവകഥ അവനോട് പറയുകയും ചെയ്യുന്നു.പിന്നീട് ഇരുവരും നല്ല സുഹൃത്തുക്കളാവുകയും നന്ദകുമാർ ബാലകൃഷ്ണന് നല്ലൊരു ജോലി ഏർപ്പാടാക്കുകയും ചെയ്യുന്നു. എന്നാൽ നിർമ്മലയുടെയും നന്ദകുമാറിന്റെയും വിവാഹം നിശ്ചയിക്കപ്പെട്ടത് ബാലകൃഷ്ണൻ അറിയുന്നില്ല. ഒരിക്കൽ നിർമ്മലയും ബാലകൃഷ്ണനും വീണ്ടും കണ്ടുമുട്ടാനിടയാകുന്നു.അന്നത്തെ സംഭവത്തിൽ എന്തിനാണ് തെറ്റായ മൊഴി നൽകി തന്നെ ചതിച്ചതെന്ന് നിർമ്മലയോട് ബാലകൃഷ്ണൻ ചോദിക്കുന്നു.പാപ്പച്ചൻ തന്നെ സമീപിച്ചിരുന്നതായും അയാളുടെ ഭീഷണി ഭയന്ന് അങ്ങനെ പറയേണ്ടി വന്നതാണെന്നും നിർമ്മല കുറ്റബോധത്തോടെ പറയുന്നു. ഇതോടെ ബാലകൃഷ്ണന്റെ തെറ്റിദ്ധാരണ നീങ്ങുന്നു.നിർമ്മലയും ബാലകൃഷ്ണനും തമ്മിലുള്ള ബന്ധത്തെക്കുറിച്ച് മനസ്സിലാക്കിയ നന്ദകുമാർ ബാലകൃഷ്ണനെ ഇപ്പോഴും സ്നേഹിക്കുന്നുണ്ടോ എന്ന് നിർമ്മലയോട് ചോദിക്കുന്നു.ബാലകൃഷ്ണനെ സ്നേഹിക്കുന്നതായി നിർമ്മല കണ്ണീരോടെ സമ്മതിക്കുന്നു. അങ്ങനെ നന്ദകുമാർ നിർമ്മലയുമായുള്ള വിവാഹത്തിൽ നിന്നും പിന്മാറിക്കൊണ്ട് ബാലകൃഷ്ണനെയും നിർമ്മലയ്ക്കും ഒരുമിക്കാനുള്ള വഴിയൊരുക്കുന്നു.