തോമസ് കുര്യാക്കോസ്

Thomas Kuriakkose
Date of Birth: 
Saturday, 29 May, 1954
കുര്യാക്കോസ്

 കോട്ടയം ചങ്ങനാശ്ശേരി എസ് ബി കോളേജിലെ മാത്തമാറ്റിക്സ് ഡിപ്പാർട്ട്മെന്റിലെ പ്രൊഫസറും ഹെഡ് ഓഫ് ദി ഡിപ്പാർട്ട്മെന്റുമായിരുന്ന ഒ സി കുര്യാക്കോസിന്റെയും തേരമ്മയുടെയും മകനായി ജനിച്ചു. ചങ്ങനാശ്ശേരി എസ് ബി ഹൈസ്കൂൾ, എസ് ബി കോളേജ് എന്നിവിടങ്ങളിലായിരുന്നു തോമസ് കുര്യാക്കോസിന്റെ പ്രാഥമിക വിദ്യാഭ്യാസം. തുടർന്ന് കോഴിക്കോട്  എൻ ഐ റ്റി യിൽ നിന്നും എഞ്ചിനീയറിംഗിൽ ബിരുദം നേടി. പി ഡബ്ലിയു ഡിയിൽ എഞ്ചിനീയറായി ജോലിയിൽ കയറിയ തോമസ് കുര്യാക്കോസ് റിട്ടയർമെന്റിനു ശേഷമാണ് കലാപ്രവർത്തനങ്ങളിൽ സജീവമായത്.

ചെറിയ തോതിൽ അമച്വർ നാടകങ്ങളിൽ മുൻപുതന്നെ അഭിനയിച്ചിരുന്ന തോമസ് കുര്യാക്കോസ്, ബാബു ജനാർദ്ധനന്റെ ബോംബെ മാർച്ച് 12 എന്ന സിനിമയിലൂടെയാണ് ചലച്ചിത്രാഭിനയരംഗത്ത് സജീവമാകുന്നത്. തുടർന്ന് ആമേൻആംഗ്രി ബേബീസ് ഇൻ ലവ്ദി പ്രീസ്റ്റ്കൂമൻ എന്നിവയുൾപ്പെടെ മുപ്പത്തി അഞ്ചിലധികം സിനിമകളിൽ അഭിനയിച്ചിട്ടുണ്ട്. സിനിമകൾ കൂടാതെ തോമസ് ടെലിവിഷൻ സീരിയലുകളിലും അഭിനയിക്കുന്നുണ്ട്. കല്യാണ സൗഗന്ധികം ആയിരുന്നു ആദ്യ സീരിയൽ. തുടർന്ന് മൂന്ന് സീരിയലുകളിൽ കൂടി അദ്ദേഹം അഭിനയിച്ചു.

തോമസ് കുര്യാക്കോസിന്റെ ഭാര്യ മേഴ്സി, മൂന്നു മക്കളാണ് അവർക്കുള്ളത്. ടീനു, ദീപു, റിങ്കു. 

തോമസ് കുര്യാക്കോസ് ഫോൺ നമ്പർ - 9447012740