“ട്യൂൺ കേൾക്കൂ.. പാട്ടെഴുതൂ..” എപ്പിസോഡ് - 01 (ആർദ്രവീണ)

സുഹൃത്തുക്കളെ,

M3DB "Promising Lyricist Of the Year Award 2011" നുവേണ്ടിയുള്ള  “ട്യൂൺ കേൾക്കൂ.. പാട്ടെഴുതൂ..” എന്ന മത്സരത്തിന്റെ ആദ്യ എപ്പിസോഡ് ഇന്ന് ആരംഭിക്കുകയാണ്. ഏവർക്കും സ്വാഗതം. (ആകർഷകമായ സമ്മാനങ്ങളെക്കുറിച്ചും മത്സരത്തിന്റെ നിബന്ധനകളെ കുറിച്ചുമുള്ള കൂടുതൽ വിവരങ്ങൾക്ക് ഇവിടെ ക്ലിക്ക് ചെയ്യുക)

ആദ്യ എപ്പിസോഡായ ആർദ്രവീണയുടെ ഈണമാണ് ഡൌൺ-ലോഡ് ചെയ്യാൻ പാകത്തിൽ താഴെ അറ്റാച്ച് ചെയ്തിട്ടുള്ളത്.

ഇതിന്റെ പല്ലവി അനുപല്ലവി എന്നിവ സൂചനയോടെ കൊടുത്തിട്ടുണ്ട്. ഒരു ഗാനത്തിനുവേണ്ട മൂന്നു അടിസ്ഥാന ഭാഗങ്ങളായ പല്ലവി അനുപല്ലവി ചരണം എന്നിവയിൽ പല്ലവി അനുപല്ലവി എന്നിവയാണ് കൊടുത്തിട്ടുള്ളത്. അനുപല്ലവിയുടെ ഈണത്തിന്റെ ആവർത്തനം തന്നെയാണ് ചരണത്തിലും. കുറച്ചുകൂടി വ്യക്തമായി പറഞ്ഞാൽ ആദ്യം പല്ലവി എഴുതണം അടുത്തത് അനുപല്ലവി, പിന്നെയും അനുപല്ലവിയുടെ ടൂണിൽ തന്നെ ഒരിക്കൽ കൂടി എഴുതണം ചരണമായിട്ട്.

ആർദ്രവീണയുടെ ട്യൂൺ ഇവിടെ നിന്നും ഡൌൺ‌ലോഡ് ചെയ്യാം. അല്ലെങ്കിൽ ഇവിടെ നിന്നും ലഭിക്കും.

(ഈ ഈണം നിങ്ങൾക്കായി ചിട്ടപ്പെടുത്തിയിരിക്കുന്നത് എം ത്രി ഡി ബിയിലെ നിശികാന്ത് ആണ്.)

ആർദ്രവീണ എന്ന ഈ എപ്പിസോഡിൽ ഗാനരചന നിർവഹിക്കാനുള്ള സന്ദർഭം ചുവടെ പറയുന്നതാണ്.
പരസ്പരമുള്ള പ്രണയം വീട്ടുകാരറിഞ്ഞ് എതിർത്തപ്പോൾ പിടിച്ചു നിൽക്കാനാവാതെ വന്ന നായിക ആത്മഹത്യാശ്രമം നടത്തുകയും അതിൽ പരാജയപ്പെടുകയും ചെയ്തു. അതിനുശേഷം അവൾ വീട്ടുതടങ്കലിൽ ആയിപ്പോകുന്നു. അതോടുകൂടി അവരുടെ പ്രണയം കൂടുതൽ ശക്തവും ആർദ്രവുമാകുന്നു. ഇങ്ങിനെ ഒരു ചുറ്റുപാടിലെ ഒരു രാത്രിയിൽ രണ്ടുവീടുകളിലെ മുറികളിൽ തടവിലാക്കപ്പെട്ട നായകന്റേയും നായികയുടേയും മാനസിക അവസ്ഥയിലൂടെയാണ് ഈ ഗാനം പുരോഗമിക്കേണ്ടത്.. നായകന്റെ വാക്കുകളാണ് ഗാനം. ഇടയ്ക്ക് നായികയുടെ വാക്കുകളും വേണമെങ്കിൽ ആവാം (ഒരു ഡ്യുയറ്റ് പോലെ. പക്ഷെ ഡ്യുയറ്റ് എഴുതുന്നവർ രണ്ടുപേരുടേയും വാക്കുകൾ സൂചിപ്പിക്കണം.)

എൻ‌ട്രികൾ അയക്കേണ്ട വിലാസം : events@m3db.com
യൂണിക്കോഡ് മലയാളം ടൈപ്പു ചെയ്യാനറിയുന്നവർ അതിൽ ചെയ്യുക. അല്ലാത്തവർ, എഴുതി സ്കാൻ ചെയ്ത് അയച്ചാലും മതി. പക്ഷെ ഫയൽ നെയിം സ്വന്തം പേരിൽ വേണം സേവ് ചെയ്യാൻ.


മെയിലിന്റെ സബ്‌ജക്ട് ലൈനിൽ “EPISODE :01“ എന്നുവയ്ക്കാൻ മറക്കരുത്.

പത്തു ദിവസമാണ് മത്സരാർത്ഥികൾക്ക് ലഭിക്കുന്ന മാക്സിമം ദിവസം. നിങ്ങളുടെ എൻ‌ട്രികൾ മെയിലിൽ കിട്ടേണ്ട അവസാന ദിവസം ഏപ്രിൽ 7 (07/04/2011) ആയിരുന്നു.എന്നാൽ മത്സരാർത്ഥികളുടെ അഭിപ്രായത്തെ മാനിച്ച് ഒരാഴ്ച്ച കൂടി ആദ്യത്തെ ഈ മത്സരം നീട്ടിവച്ചിരിക്കുകയാണൂ.അതായത് ഏപ്രിൽ 15 (15/04/2011) വെള്ളി ആണ് ആദ്യത്തെ എൻട്രി അയക്കാനുള്ള അവസാനതീയതി..

ആകർഷകമായ സമ്മാനങ്ങളെക്കുറിച്ചും മത്സരത്തിന്റെ നിബന്ധനകളെ കുറിച്ചും അറിയാൻ ഈ പോസ്റ്റ് വായിക്കുക

Article Tags: 
Audio: 


If you are unable to play audio, please install Adobe Flash Player. Get it now.

Contributors: 

എഡിറ്റിങ് ചരിത്രം

2 edits by
Updated date എഡിറ്റർ ചെയ്തതു്
26 Apr 2011 - 12:35 Kumar Neelakandan മത്സരതീയതി മാറ്റിക്കൊണ്ടുള്ള അറിയിപ്പ് ചേർത്തു.
28 Mar 2011 - 13:01 Kumar Neelakandan

പിന്മൊഴികൾ

ആർദ്ര വീണ വല്ലാതെ ആർദ്രമായിപ്പോയോ/..ആദ്യ ഗാനം  അല്പം സന്തോഷമുള്ളതും ..മോഹനത്തിൽ ചിട്ടപ്പെടുത്തിയതുമാകുമെന്ന് ആശിച്ചു.. എന്നാലും സാരമില്ല....നന്നായിരിക്കുന്നു

I am not trying to offend any one, but I dont feel this tune good. First of all, it doesnt feel suit to the situation, second, it feels like it somehow heard. anyways, will try to write some lyrics  for this tune..

 

N.B:-I am sorry 4 not writing in malayalam, I dont have mallu font atm and not able to install..

ട്യൂൺ നന്നായിരിക്കുന്നു. ഓർക്കസ്ട്രയും നല്ല ആലാപനവും കൂടിയാകുമ്പോൾ മികച്ചൊരു ഗാനമാകുമെന്ന് കരുതുന്നു. വരികൾ എഴുതാൻ ശ്രമിക്കാം. ഈ മത്സരത്തിന് ആശംസകൾ… രാജേഷ് കൃഷ്ണൻ

എഴുതി വന്നപ്പോള്‍ അനുഭവപ്പെട്ട ചില പ്രശ്നങ്ങള്‍:

  1. ഒരു താളം കിട്ടുന്നില്ല. എന്തെങ്കിലുമൊരു താളം കൂടി പിന്നിലുണ്ടായിരുന്നെങ്കില്‍ നന്നായിരുന്നു. (സത്യത്തില്‍ താളമിട്ട് കൊടുക്കാതെ ഈണം മാത്രം കേട്ടാണൊ രചയിതാക്കള്‍ വരികളെഴുതുന്നത്?)
  2. പല്ലവി ആദ്യം പാടിയിരിക്കുന്നത് എകദേശം .50 സെക്കന്റ് വരുമ്പോള്‍ ഒടുവില്‍ ആവര്‍ത്തിക്കുമ്പോള്‍ .30 സെക്കന്റ് മാത്രവും! അതെങ്ങിനെ ശരിയാവും?
  3. പല്ലവി, അനുപല്ലവി, പല്ലവി ഇങ്ങിനെയാണ്‌ പാടിയിരിക്കുന്നത്. ഈ രീതിയില്‍ മൂന്ന് ഘണ്ഡമാണോ എഴുതേണ്ടത്? ഒരു പാട്ടിന്റെ ഘടന; പല്ലവി, അനുപല്ലവി, ചരണം 1, ചരണം 2, ചരണങ്ങള്‍ക്കിടയ്ക്ക് പല്ലവി ആവര്‍ത്തനം; ഈ രീതിയിലല്ലേ? ഇവിടെ പല്ലവിക്കും അനുപല്ലവിക്കും വല്ലാതെ നീളമുള്ളതുപോലെ. ചരണത്തിനാവട്ടെ ഈണമിട്ടിട്ടുമില്ല. റിക്കാര്‍ഡില്‍ പറഞ്ഞത് മാറിപ്പോയതാണോ? പല്ലവി = പല്ലവി + അനുപല്ലവി; അനുപല്ലവി = ചരണം എന്നിങ്ങനെ മാറ്റിയാല്‍ ശരിയാവുമെന്നു തോന്നുന്നു.

ഈ സംശയങ്ങള്‍ തീര്‍ത്തു തന്നാല്‍ 'ഇപ്പോ ശര്യാക്കിത്തരാം'. :-)

ഹരീ..ആദ്യ ചോദ്യത്തിനുള്ള താളം സംഗീതസംവീധായകനോട് ചോദിച്ച് നോക്കാം.

2.അനുപല്ലവി കഴിഞ്ഞ് പല്ലവിയുടെ എല്ലാഭാഗവും പാടണമെന്ന് നിർബന്ധമില്ലല്ലോ.കൃത്യമായ മറുപടി നിശീ പറയുമെന്ന് കരുതുന്നു.

3.അനുപല്ലവിയുടെ അതേ ഈണം തന്നെയാണു ചരണം1,ചരണം 2 എന്നിവക്ക്..ഇവിടെ..പല്ലവി,അനുപല്ലവി,ചരണം എന്ന മൂന്ന് സെക്ഷൻ മാത്രമേ ഉദ്ദേശിച്ചിട്ടുള്ളു.

ഇത്രയും കൊണ്ട് പെട്ടെന്ന് ശരിയാക്കാൻ പറ്റുമോ എന്നറിയിക്കുമോ :) അല്ലെങ്കിൽ വെക്കേഷനിൽ  പോയ സംഗീതസംവിധായകനെ ഓടിച്ചിട്ട് പിടിച്ചോണ്ട് വരാം :)

2004ൽ ഈ വെബ്ബിന്റെ അടിസ്ഥാനശിലയിടാൻ മുന്നിട്ടിറങ്ങി. തുടർന്ന് ഒരു പറ്റം നിസ്വാർത്ഥരായ സുഹൃത്തുക്കളുടെ പ്രകാശവലയത്തിലകപ്പെട്ടതോടെ ജീവിതം സംഭവബഹുലവും മനസ്സ് യൗവ്വനതീക്ഷ്ണവുമായി :) . ഈണം എന്ന ഒരു സംരംഭം കൂടി തുടങ്ങി. 

 

നേരത്തേ അറിയിച്ചതിൽ നിന്ന് വ്യത്യസ്തമായി അടുത്ത എപ്പിസോഡ് ഒരു താരാട്ട് തീമായിരിക്കും. അത് നാളെ രാവിലെ പ്രസിദ്ധീകരിക്കുന്നതാണ്.മത്സരം പിന്തുടരുന്ന എല്ലാവർക്കും നന്ദി.